Perlat e Padukshme të Turizmit Shqiptar!

Shkodra, e njohur për trashëgiminë e saj kulturore dhe historike, është një destinacion turistik që kohët e fundit ka filluar të fitojë vëmendjen e munguar, jo vetëm për zhvillimet infrastrukturore por edhe në sektorin turistik. Në periudhën e verës, turizmi është i përqëndruar në plazhin e bukur ranor të Velipojës, e ndërsa në dimër, Thethi dhe Malesitë e Shkodrës janë ato që tërheqin vëmendjen e turistëve. Por ajo që shpesh mbetet e papërmendur është perla e fshehur në zemrën e kryeqendrës së veriut: fshati Zogaj. 

Zogaj: Një Fshat Që Frymëzon me Traditën dhe Natyrën

Fshati Zogaj, i vendosur në një peizazh idilik në afërsi të liqenit të Shkodrës, është një xhevahir i vërtetë në krahinën veriore të Shqipërisë. Ky fshat karakterizohet nga një harmoni unike midis natyrës dhe jetës tradicionale shqiptare, duke ofruar një mundësi të rrallë për të eksploruar një stil jetese autentik rural. Arkitektura e fshatit Zogaj është një pasqyrë e historisë së tij të pasur. Shtëpitë tradicionale të ndërtuara me gur dëshmojnë për një mënyrë jetese që ka rezistuar ndër shekuj. Disa nga këto ndërtesa janë më shumë se njëqind vjeçare dhe janë ruajtur me kujdes, duke i dhënë fshatit një ndjenjë të fortë të trashëgimisë dhe identitetit.

Një nga elementet më tërheqëse të Zogajt është natyra e tij e mahnitshme, ku vizitorët kanë mundësinë të shijojnë pamjen e liqenit të Shkodrës dhe malit të Taraboshit, te argëtohen me sporte ujore, si not apo peshkim, e sigurisht të relaksohen në qetësinë dhe bukuritë qe ky fshat ofron. Jeta në Zogaj është një refleksion i bukur i traditës dhe kulturës shqiptare. Banorët janë miqësorë dhe mikpritës, gjithmonë të gatshëm të ndajnë historitë dhe zakonet e tyre. Ky fshat, është i njohur gjithashtu  për festivalet, aktivitetet sportive apo eventet kulturore, të cilat shpesh përfshijnë muzikë live dhe vallëzime, duke ofruar një pamje të pasur të kulturës lokale. Për vizitorët që dëshirojnë të zhyten në një eksperiencë autentike shqiptare, fshati Zogaj ofron një mundësi të rrallë për të jetuar si një vendas. Nga shëtitjet nëpër fshat, të cilat zbulojnë sekretet e jetës rurale, tek eksplorimi i gatimeve tradicionale në restorantet lokale, çdo moment në Zogaj është një mësim në histori dhe kulturë.

Labiatan: Një Oaz qetësie në Zemrën e Fshatit Zogaj

Gjatë eksplorimit të fshatit Zogaj, sëbashku me stafin e TravelBIZ Magazine, ndaluam në një nga restorantet më të njohura të zonës. I vendosur në zemër të këtij peisazhi magjepsës, Bar-Restorant-Hotel Labiatan është një destinacion në vetvete, një eksperiencë e rrallë, ku gërshëtohet tradita e mikpritjes dhe dizajni modern. Me një fokus të theksuar në gatimet tradicionale lokale, vizitorët mund të shijojnë ne Labiatan Restorant, specialitetet e përgatitura me përbërës të freskët të zonës. Kjo është një mundësi e shkëlqyer për të provuar gatime autentike shqiptare, të gatuara me dashuri dhe kujdes.

Labiatan: Më Shumë se Thjesht një Vendpushim

Hotel Labiatan është rikonstruktuar sëfundmi dhe eshte pasuruar me elemente si tradicionale ashtu edhe moderne. Ndërtimi i tij reflekton arkitekturën karakteristike të rajonit, me gurë të zonës dhe dru, por edhe me një prekje moderne që siguron rehatinë dhe luksin. Ambientet e brendshme janë të dekoruara me një stil elegant, që të ofron një ndjenjë qetësie dhe harmonie.

Në Labiatan Bar & Restaurant ofrohet një menu e perzgjedhur me kujdes per te ofruar nje larmishmeri pjatash mes recetave tradicionale dhe atyre internacionale. Furnitorët lokalë sigurojnë freskinë dhe cilësinë e lartë të ushqimeve, duke përfshirë peshkun e freskët nga liqeni, perimet e kultivuara të zonës si dhe mishin e vendit.

Për ata që dëshirojnë të zhvillojnë aktivitete në natyrë, fshati Zogaj dhe Labiatan Hotel & Restaurant, ofrojnë mundësi të shumta. Nga ecjet nëpër shtigje malore deri tek ekskursionet me varkë në liqenin e Shkodrës. Gjithashtu, në Labiatan organizohen evente të ndryshme, që nga gezimet familjare, mbrëmje me muzikë live, deri tek eventet tematike apo ato të degustimit. Stafi i hotelit është i gatshëm të ndihmojë në organizimin e aktiviteteve të personalizuara, duke siguruar që çdo qëndrim të jetë i veçantë dhe i paharrueshëm.

Qëndrimi në Hotel Labiatan jo vetëm që ofron një shije të jetës në një fshat të bukur shqiptar, por gjithashtu siguron një eksperiencë të pasur kulturore dhe rekreative. Ky vend i veçantë kombinon qetësinë e natyrës me rehatinë e modernes, duke krijuar një oaz ideal për ata që kërkojnë të shkëputen nga jeta e përditshme dhe të zhyten në bukurinë dhe traditën e Shqipërisë së Veriut.

Shkodra, me fshatin e saj Zogaj dhe Labiatan Hotel & Restaurant, është një destinacion që meriton të eksplorohet! 

https://www.labiatan.al/ 

© TravelBIZ